१ मंसिर, एजेन्सी ।
स्टेफानोस सिट्सिपास र डोमिनिक थिएमबिच एटिपी फानल्स टेनिसको उपाधिका लागि प्रतिस्पर्धा हुने भएको छ ।
६ पटकका विजेता रोजर फेडेररलाई २१ वर्षका ग्रिक खेलाडी स्टेफानोसले पराजित गरेर फाइनलमा स्थान पक्का गरेका हुन् । लण्डनमा भएको खेलमा स्टेफानोसले ३८ वर्षका स्वीस खेलाडी फेडेररलाई ६–३ र ६–४ को सेटमा पराजित गरेका हुन् ।
अर्को सेमिफाइनलमा साबिक विजेता एलेक्जान्डर स्भेरेभ पाँचौँ बरियताका डोमिनिक थिएमसँग पराजित भए । अस्ट्रियन थिएमले स्भेरेभलाई ७–५ र ६–३ को सेटमा पराजित गरेका हुन् ।
२६ वर्षका थिएम र २१ वर्षका स्टेफानोस दुवैका लागि एटिपी फाइनल्सको उपाधि उनीहरुको खेल जीवनको सबैभन्दा ठूलो सफलता बन्ने छ ।
