१० मंसिर, विराटनगर । उद्यमशिलता विकाससंग सम्बन्धित कार्यक्रम ‘लास्ट थर्सडे’को यस महिनाको शृंखलामा एसियन थाई फुड्स प्रा. लि तथा जाजु ग्रुपका अध्यक्ष महेशकुमार जाजुसँग प्रत्यक्ष संवाद गरिने भएको छ ।
उद्यमीहरुको सफलताको कथा मध्यम आम नेपाली जनताहरुमा मेहेनत गरि यही देशमा गरि खान सकिन्छ भन्ने संदेश प्रवाह गर्ने उदेश्यका साथ सञ्चालन गरिँदै आएको सो कार्यक्रम मंसिर १२ गते बिराटनगरको होटेल नमस्कारमा हुने आयोजकले जनाएको छ ।
बिराटनगरमा हरेक अंग्रेजी महिनाको अन्तिम बिहिबार हुँदै आएको ‘लास्ट थर्सडे’ कार्यक्रम उद्यमशिलता विकाससँग सम्बन्धीत कार्यक्रम हो । कार्यक्रममा पूर्व क्षेत्रमा रहेका सफल उद्यमीहरुसंग नागरिकहरुको प्रत्यक्ष छलफल तथा अंतरकृया गराउने गरिएको छ ।
बिकल्प एन अल्टरनेटिभ,मकालु टिभी, बिराटनगर इन्टरनेशनल कलेज, एनवाईईएफ बिराटनगर र होटल नमस्कारको आयोजनामा हुने सो कार्यक्रममा निशुल्कमा रुपमा सहभागिता जनाउन सकिने आयोजकले जनाएको छ । कार्यक्रमको मिडिया पार्टनर नेपाल टाईम्स डट नेट र आवर विराटनगर रहेको छ ।
