२४ मंसिर, ओखलढुङगा ।
ओखलढुङगाको खिजिदेम्बा गाउँपालिका–८ भुसिङगा बस्ने ८५ वर्षीय लोकसन शेर्पाको आगो ताप्ने क्रममा जलेर मृत्यु भएको छ । स्थानीय गम्बु शेर्पाको घरमा डेरा गरी बस्दै आएका लोकसन शेर्पा गत २२ गते राती अगेनाछेउमा आगो ताप्दै सुत्नेक्रममा अचानक आगो शरीरमा सल्किएर घाईते भएका थिए ।
घटनाबारे जानकारी पाउनासाथ रावदोलुबाट गएको प्रहरीको टोलीले घाईतेलाई उपचारको लागी सदरमुकाम तर्फ ल्याउने क्रममा सोमबार साँझ बाटैमा मृत्यु भएको जिल्ला प्रहरी कार्यालय ओखलढुङगाले जनाएको छ ।
