सुनसरी, फागुन २४
सुनसरीको कोशी गाउँपालिकाबाट चार जना विप्लव माओवादीका कार्यकर्ता पक्राउ परेका छन् । गाउँपालिका अध्यक्ष ऐयुव अन्सारीमाथि कार्यकक्षमा दुव्र्यवहारको आरोपमा उनीहरु पक्राउ परेका हुन् ।
चन्दा माग गर्दा नदिएको भन्दै कार्यकक्षमा रहेका गाउँपालिका अध्यक्षलाई दुव्र्यवहार गर्नुका साथै हातपातको प्रयास गरेकाले नेपाल कम्युनिष्ट पार्टी विप्लव समूहका चार जनालाई नियन्त्रणमा लिइएको सुनसरी प्रहरीले जनाएको छ ।
पक्राउ पर्नेमा धनकुटा छिन्ताङ ४ का चट्टान भनिने युगल राई र इटहरी ११ का सन्तोष भनिने राजेन्द्र सिंह विष्टसहित इटहरी ११ का मोहन कार्की र इटहरी ९ का लक्ष्मण कार्की रहेका छन् ।
पक्राउ परेकाहरु उपर अनुसन्धानसहित कार्वाही थालिएको सुनसरीका प्रहरी नायव उपरीक्षक नारायणप्रसाद चिमोरियाले बताउ । दुव्र्यवहारमा परेका गाउँपालिका अध्यक्ष अन्सारीले विप्लब समूहका कार्यकर्ताले चन्दा नदिएको झोंकमा आफुमाथि दुव्र्यवहार भएको बताए ।
