९ माघ, विराटनगर ।
विराटनगरको लर्ड बुद्द कलेजको बस दुर्घटना हुँदा एक जनाको मृत्य भएको छ । दुर्घटनामा अन्य ५ जना घाईते भएका छन् ।
मे १ ख ४०९० नम्बरको कलेज बस आज बिहान साढे ६ बजे रंगेली सडक खण्डमा पश्चिम तर्फ जादै गर्दा धनपाल गाँउपालिका पिण्डेश्वरी स्कुल अगाडी दुर्घटना भएको थियो ।
बसका साहु समेत रहेका बिराटनगर–१५ बस्ने ३२ बर्षीय सानु साहको बस दुर्घटनामा परी गम्भीर घाईते भएका थिए । उनको न्यूरो अस्पतालमा उपचारको क्रममा ७ बजे मृत्यु भएको जिल्ला प्रहरी कार्यालय मोरङले जनाएको छ।धनपालथान–७ की २० वर्षीया रञ्जिता मण्डल, धनपालथान–४ की २० वर्षीय सुष्मा राजवंशी, निकिताकुमारी राय, दीक्षा श्रेष्ठ र रंगेली नगरपालिका–४ की १९ वर्षीय लुना गौतम घाइते भएका छन् ।
बस बाक्लो हुस्सुको कारण अनियन्त्रित भई दुर्घटना भएको हुनसक्ने प्रहरीले जनाएको छ । बस र बसका चालक प्रहरीको नियन्त्रणमा रहेको डीएसपी लोकदर्शन थापाले जानकारी दिए । घाईते ५ जनाको न्यूरो अस्पतालमा उपचार भईरहेको छ ।
