९ माघ, काठमाडौँ ।
उपप्रधानमन्त्री तथा रक्षामन्त्री ईश्वर पोखरेलले राजनीतिका कारण मानिसहरु विभाजित भएपनि संगीतले मान्छेहरुलाई एक ठाउँमा ल्याउने बताएका छन् । तारदेवीको चौधौं पुण्यस्मृतिका अवशरमा आयोजित कार्यक्रममा उपप्रधानमन्त्री पोखरेलले यस्तो बताएका हुन् ।
राजनीतिले विचार र दृष्टिकोण दिएपनि राजनीतिकै कारण समाज र मानिस विभाजित हुने गरेको उल्लेख गर्दै उपप्रधानमन्त्री थापाले संगीत, कला र गायनले मान्छेलाई एक ठाउँमा जोड्ने बताए ।
उनले कला र संगीतको क्षेत्रमा लागेका व्यक्तिहरुमा राजनीतिक रोग सर्न नहुने समेत बताए। राजनीतिमा दलहरु जोडिने र छुट्ने क्रम चल्ने गरेको प्रशंग उल्लेख गर्दे पोखरेलले कला क्षेत्रमा लागेका व्यक्तिहरुले त्यस्तो गर्न नहुने बताए ।
पोखरेलले तारादेवी फाउण्डेशनका लागि सहयोग गर्ने प्रतिवद्धता समेत जनाए । सम्मानित व्यक्तिहरुलाई एकै छानामुनि ल्याउन ठोस प्रस्ताव लिएर आए आफु जुनसुकै तहमा पनि सहयोग गर्न तयार रहेको पोखरेलले बताए ।
