२८ माघ, एजेन्सी
जापानमा एउटा पानीजहाज भित्रका यात्रुहरू कोरोना भाइरसबाटसंक्रमित भएको पाइएपछि पानीजहाज नै क्वारेन्टाइनमा राखिएको छ ।झन्डै २५ सय यात्रु रहेको जनाइएको डायमन्ड प्रिन्सेस क्रुजसिपलाई क्वारेन्टाईनमा राखिएको हो ।
उनीहरुलाई दैनिक ६ फिट वरपर मात्र हिँड्न दिइएको छ । उनीहरू बसेको तलामुनि चालक दलका सदस्यसहित एक हजार जना रहेको बताइएको छ ।
जापानको स्वास्थ्य मन्त्रालयका अनुसार आइतबारसम्म पानी जहाजमा रहेका १३५ यात्रुमा कोरोनाभाइरसको संक्रमण देखिएको छ । तीमध्ये कम्तिमा पनि २० जना अमेरिकी नागरिक हुन् । चीनको वुहानपछि एकै ठाउँमा सबैभन्दा बढी कोरोना भाइरस संक्रमित भएको ठाउँ यही पानीजहाज भएको बताइएको छ ।
चालक दलकै १० जना पनि संक्रमित छन् । सबैको परीक्षण गर्न नसक्दा पानीजहाजमा कति जनालाई संक्रमण छ भने यकिन नभएको जनाइएको छ । पानीजहाज फेब्रुअरी ४ देखि दुई सातासम्म क्वारेन्टाइनका लागि ओकोहामा बन्दरगाहमा राखिएको हो ।
