झापा, चैत १०
नेपाल–भारतको सीमावर्ती नाकामा तस्करी बढेसँगै भद्रपुरमा प्रहरीले निगरानी बढाएको छ । नेपालबाट भारत र भारतबाट नेपालतर्फ भन्सार छली तस्करीको माध्यमबाट लैजादै गरेको अवस्था प्रहरीले लत्ताकपडा, हार्डवेयरका सामान र स्याउ बरामद गरेको छ ।
वडा प्रहरी कार्यालय भद्रपुर र सीमामा तैनाथ सशस्त्र प्रहरीको टोलीले संयुक्त रुपमा भद्रपुर ४ स्थित डाँगीबारीबाट आज ३ सय केजी स्याउ बरामद गरेको छ ।
३५ हजार मुल्य बराबरको स्याउसहित प्रहरीले तस्करीमा प्रयोग गरिएको ५ थान साइकल समेत नियन्त्रणमा लिएको वडाका प्रहरी निरीक्षक प्रकाश जवेगूले जानकारी दिए ।
