२८ चैत, काठमाडौं ।
लकडाउनका बेला सेवा सुचारु गर्नकालागि इन्टरनेट प्रदायक संस्था क्लासिक टेकले सपोर्ट टास्क फोर्स बनाएको छ । कोरोनाभाईररस (कोभिड–१९)को जोखिमलाई मध्यनजर गर्दै क्लासिक टेकले अहोरात्र फिल्डमा खट्ने आफ्ना सपोर्ट टास्क फोर्स स्टाफहरुलाई जोगाउन बिशेष किसिमको सुरक्षा पोशाक उपलब्ध गराएको छ ।
संक्रमणबााट सुरक्षित रहने बिशेष सावधानिका उपायहरु बारेपनि सचेतना प्रशिक्षण दिइएको क्लासिक टेकले जनाएको छ । क्लासिक टेकले सपोर्ट टास्क फोर्स स्टाफको स्वास्थ्य सुरक्षालाई ध्यानमा राखी समय समयमा स्वास्थ्य परिक्षण गराउनुका साथै उनीहरुकालागि सुरक्षापोसाक र पर्याप्त सेफ्टी किटको प्रवन्ध समेत मिलाएको जनाएको छ ।
सपोर्ट टास्क फोर्स स्टाफ कर्मचारी तथा उनीहरुका परिवारजन र आफन्तजनमा पर्न सक्ने प्रतिकूल प्रभावलाई मध्येनजर गरी कार्यालयहरुमा नै सपोर्ट स्टाफका लागिखाने बस्ने व्यवस्था समेत मिलाएको जनाएको छ । लकडाउनमा विभिन्न सोसल साइटहरुको प्रयोग गर्न एवं मनोरञ्जनका साथ घरमा समय बिताउन तथा अनलाईन बैकिङ्ग, अनलाईन ऐजुकेसन, कर्पोरेट काम, अनलाईन मेडिकल परामर्श जस्ता चुनैतिपूर्ण कार्यहरु पनि इन्टरनेटको प्रयोगबाट नै सम्भव भइरहेको छ ।
