३ जेठ, काठमाडौँ ।
विभिन्न कारण कतारको बन्दीगृहमा रहेका ८ जना नेपाली श्रमिकले आममाफी पाएका छन । रमजानको अवसर परेर कतार सरकारले ८ जना नेपाली श्रमिकलाई आममाफी दिएको कतारस्थित नेपालीदूताबासका द्वितीय सचिब प्रबीण भट्टराईले जानकारी दिएका छन् ।
कतारको विभिन्न कारागारमा बन्दीजीबन बिताईरहेका नेपाली श्रमिकले आममाफी पाएपनि उनीहरु के कसुरमा जेल जीवन बिताईरहेका थिए भन्ने बारे केहि खुलाईएको छैन । यस अघि पनि कोरोनाको सङ्क्रमणलाई मध्यनजर गर्दै कतारले कैदीको स्वास्थ्य र मानवीय अवस्थालाई हेरेर १७ नेपाली कैदीहरुलाई आमामाफी दिएको थियो ।
यता, कतारमा कोरोनाबाट अहिलेसम्म २९ हजार ४२५ जना सङ्क्रमित भएका छन भने ३ सय ५४६ जना उपचारपछि निको भएर घर फर्किएका छन । अहिलेसम्म कोरोना सङ्क्रमणबाट १४ जनाको मृत्यु भैसकेको छ । अहिले सम्म कोरोनाबाट कतिजना नेपाली संक्रमित भएका छन् भन्ने कुनै पनि तथ्याङ्क बाहिर नआएपनि संक्रमित नेपालीहरुको संख्या ठूलो रहेको अनुमान गरिएको छ ।
