२५ असार, विराटनगर ।
निगुरो टिप्न जंगल गएका सुनसरीको बराहक्षेत्र नगरपालिका–११ का २८ बर्षीय संजिव मेहेताको लडेर मृत्यु भएको छ ।
आज बिहान ६ बजे साथीहरुसंगै कोशी किनारामा निगुरो टिप्न गएका उनी चिप्लीएर कोशीको पानीमा खसेका थिए । पानीमा खसेर घाईते भएका मेहेतालाई संगै गएका साथीहरुले तत्काल उद्धार गरी उपचारका लागि गोल्डेन अस्पताल बिराटनगर पठाएकोमा उपचारको क्रममा बिहान ८ बजे मृत्यु भएको हो ।
घटना सम्बन्धमा थप अनुसन्धान भईरहेको जिल्ला प्रहरी कार्यालय सुनसरीले जनाएको छ ।
