३० असार, नवलपरासी । पूर्वपश्चिम राजमार्ग अन्तर्गत नवलपरासीको दाउन्नेमा गएराति पहिरो खसेका कारण अवरुद्ध सडक एकतर्फी रुपमा सञ्चालनमा आएको छ ।
नवलपरासी पूर्व विनयी त्रिवेणी –२, मा खसेको पहिरोका कारण ६ घण्टा राजमार्ग अवरुद्ध भएको थियो । अहिले पहिरो पन्छाएर एकतर्फी रुपमा गाडी सञ्चालन गरिएको जिल्ला प्रहरी कार्यालय नवलपुरका प्रहरी नायव उपरीक्षक मोहनबहादुर खाँडले जानकारी दिए ।
पहिरोसँगै झरेको रुखले एउटा कार र ट्रक समेत च्यापिएको थियो । मानवीय क्षति भने भएको छैन । दाउन्नेको विभिन्न ठाउँमा साना साना पहिरो खसेकाले आवतजावतमा समस्या भएको प्रहरी नायव उपरीक्षक खाँडले बताए ।
