योगेन्द्र योगी
९ भदाै, दोहा ।
विदेशमा अलपत्र नेपालीको उद्धारका लागि आजबाट पाचौँ चरणको उद्धार उडान हुने भएसंगै साउदी अरबबाट अगष्ट २६ तारिखको लागि दुई उडान तय भएको त्यहाँ रहेको नेपाली दूतावासले जनाएको छ ।
दूतावासका अनुसार नेपाल एयरलाइन्सले रियाद र हिमालय एयरलाइन्सले दमामबाट उडान गर्ने भएका छन् । यसघि दूतावासले विभिन्न मितिमा सार्वजनिक गरेको लिस्टमा नाम भएकाले सम्बन्धित एयरलाइन्समा सम्पर्क गरी टिकट खरिद गर्न अनुरोध गरेको छ ।
१०० प्रतिशत पीसीआर परीक्षण गरेका यात्रुहरु मात्र जना पाउने तथा एउटा जहाजमा पीसीआर परीक्षण गरेका र नगरेका यात्रुहरु मिसाएर लैजान नपाइने समेत दूतावासले जनाएको छ । पीसीआर परीक्षण गरेका र नगरेका यात्रुहरु एउटै उडानमा गए अनिवार्य रुपमा होटल क्वारेन्टाइनमा बस्नुपर्ने छ ।
होटल क्वारेन्टाइनमा बस्नुपर्नेको हकमा नेपालमा पुगेपछि अनिवार्य सात दिन सम्म होटल क्वारेन्टाइनमा बस्नुपर्ने र त्यसको खर्च आफैँले तिर्ने लिखित प्रतिवद्वता समेत टिकट खरिद गर्दाको अवस्थामै गर्नुपर्ने दूतावासले जनाएको छ ।
कोरोना महामारीका कारणले यसघि विभिन्न उडानमार्फत ७ हजार ८ सय १२ जना नेपाली स्वदेश फर्किसकेका छन् । साउदीमा कोरोनाका कारण रोजगारी गुमाउने नेपालीको सङ्ख्या भने दिन प्रतिदिन बढीरहेको जनाएको छ ।
विगत लामो समयदेखि रोजगारी गुमाएर अलपत्र अवस्थामा रहेका नेपालीहरुले सरकारले उद्दारको नाममा लुट मच्चाएकाे गुनासो गरेका छन्। यसअघि भदौ १ गतेदेखि चार्टर्ड उडान गर्ने घोषणा गरिएपनि होटेल क्वारेन्टिनको व्यवस्थापन हुन नसकेको भन्दै उडान स्थगन गरिएको थियो ।
