टेकराज बन्जरा
विराटनगर,बैशाख २२
सामाजिक संस्था ‘परिवर्तनकालागि हातेमालो’ले विराटनगर पुष्पलालचौक स्थित जागृती बृद्धाश्रममा आश्रित ज्येष्ठ नागरिकहरुलाई शनिबार फलफुल वितरण गरेको छ ।
साप्ताहिक रुपमा विभिन्न सामाजिक कार्य गर्दै आएको सो संस्थाले १२ औँ हप्तामा शनिबार उक्त आश्रमका ज्येष्ठ नागरिकहरुलाई फलफुल वितरण गर्नुका साथै आश्रम परिसरमा सरसफाई समेत गरेको हो ।
सेवा गर्न कुनै पनि अबसर जुटाउनु नपर्नेे भन्दै ज्येष्ठ नागरिकको सहयोगका लागि उक्त कार्यक्रम गरेको परिवर्तनका लागि हातेमालोका अभियान्ता राम पोख्रेलले बताए ।
अभियानमा सहभागीरुले ज्येष्ठ नागरिकहरुलाई फलफुल तथा जुस वितरण, बृद्धाश्रम वरिपरि सरसफाई, फुल गोडमेल गर्नुका साथै आश्रम वरिपरी भत्केका पर्खालहरुको मर्मत गरेका थिए ।
अर्का अभियान्ता तुल्सि घिमिरेले हातेमालोको उक्त अभियानलाई साथ दिन प्रहरी प्रशासन तथा स्थानियले गरेको सहयोग प्रति धन्यवाद दिँदै समाज परिवर्तन गर्न आफु पहिले परिवर्तन हुनुपर्छ भन्ने धारणा राखे । 
