१४ फागुन, विराटनगर । नेपालमा आज मात्र ११२ जनामा कोरोना भाइरसको संक्रमण देखिएको छ ।
स्वास्थ्य तथा जनसंख्या मन्त्रालयका अनुसार गत २४ घण्टामा ५४ जना संक्रमणमुक्त भई डिस्चार्ज भएका छन् ।
अहिलेसम्म संक्रमण पुष्टि हुनेको संख्या २ लाख ७३ हजार ९८४ पुग्दा, तीमध्ये संक्रमण मुक्त भई डिस्चार्ज हुनेको संख्या २ लाख ७० हजार २७७ पुगेको छ ।
कोरोना संक्रमणबाट आज ४ जनाको मृत्यु भएको छ । योसंगै अहिलेसम्म मृत्यु हुनेको संख्या २७७१ पुगेको छ ।
देशभर आज सक्रिय संक्रमित ९३६ छ भने क्वारेन्टिनमा जम्मा ७१ जना मात्र छन् ।