३० जेठ, काठमाडौँ ।
प्रधानमन्त्री केपी शर्मा ओलीले चिकित्सा आयोगका उपाध्यक्ष डा. श्रीकृष्ण गिरीलाई धम्की दिएको भन्दै वृहत् नागरिक आन्दोलनले सुरक्षाको लागि अपिल गरेको छ ।
वृहत नागरिक आन्दोलनले आइतबार एक विज्ञप्ति जारी गरेर प्रधानमन्त्री ओलीले उपाध्यक्ष डा गिरीलाई बालुवाटारमा बोलाएर झापाको बीएण्डसी अस्पताललाई सम्बन्धन दिने निर्णयमा हस्ताक्षर गर्न नाजायज दबाव दिएको खुलासा गरेको हो ।
शिक्षामन्त्री कृष्णगोपाल श्रेष्ठ र स्वास्थ्य तथा जनसंख्या मन्त्री शेरबहादुर तामाङले पनि राजीनामा गर्न धम्की दिएको भन्दै गिरीको भौतिक तथा मानसिक सुरक्षाका लागि अपिल गरिएको छ ।