२४ असाज, महेन्द्रनगर ।
कञ्चनपुरको पुनर्वास नगरपालिका ४ आनन्दबजारबाट लागूऔषधसहित दुई युवक पक्राउ परेका छन्।
सशस्त्र प्रहरीको टोलीले आइतबार बिहान पुनर्वास–५ का २६ वर्षीय नरेश खडका र २४ वर्षीय कृष्णा सार्कीलाई पक्राउ गरेको हो।
सुरक्षा जाँचका क्रममा उनीहरुसँग लागूऔषध भेटिएको सशस्त्र प्रहरीको बोर्डर आउटपोष्ट आँपतालका सशस्त्र प्रहरी नायब निरीक्षक गंगादत्त बोगटीले बताएद।
भारतबाट से ४ प ९६७८ नम्बरको मोटरसाइलमा चढेर आउँदै गरेका दुवै जनालाई सुरक्षा जाँच गर्ने क्रममा रातो हेल्मेटभित्र लुकाई राखेको अवस्थामा लागूऔषध नेट्राभेटका ३० वटा फेला पारेको उनले बताए।
पक्राउ परेका दुवै जनालाई बरामद लागूऔषध र मोटरसाइलसहित इलाका प्रहरी कार्यालय त्रिभुवनबस्तीमा बुझाइएको छ।