१४ मंसिर, काठमाडौं । वेस्ट इन्डिजसँगको तीन खेलको ट्वान्टी ट्वान्टी क्रिकेट सिरिज घरेलु टिम न्युजिल्यान्डले जितेको छ ।
माउन्ट माउनगानुइमा आज भएको दोस्रो खेल ७२ रनले जितेसँगै न्युजिल्यान्डले एक खेल अगाडि नै सिरिज आफ्नो पक्षमा पारेको हो ।
बे ओभलमा न्युजिल्यान्डले दिएको २ सय ३९ रनको लक्ष्यसहित जवाफी ब्याटिङ गरेको वेष्ट इन्डिजले २० ओभरमा ९ विकेट गुमाएर १ सय ६६ रन मात्र बनाउन सक्यो । दुई टिमबीचको अन्तिम खेल भोलि हुनेछ ।