१५ कात्तिक, एजेन्सी ।
टर्की र ग्रीसको सीमावर्ती क्षेत्रमा शक्तिशाली भूकम्प गएकाे छ । भूकम्पका कारण घर भत्किँदा २२ जनाको ज्यान गएको छ ।
टर्कीको एइजिन तट र सामाेसको ग्रिस टापुको उत्तर केन्द्रबिन्दु भएर ७ रेक्टर स्केलको भूकम्प गएको अमेरिकी भौगर्भिक सर्वेक्षण यूएसजीएसले जनाएको छ।
तर टर्कीले भने ६ दशमलव ६ रेक्टर स्केलको भूकम्प गएको जनाएको छ । भूकम्पका कारण टर्कीको इज्मिर प्रान्तमा २० जनाको ज्यान गएको छ भने ७ सय ८६ जना घाइते भएका छन् । यस्तै सामोसमा दुई जनाको ज्यान गएको छ।
भूकम्पपछि आएको सुनामीका कारण इज्मिर र सामोसमा बाढी आएको छ । भत्किएका संरचनामुनि थप मानिसहरू पुरिएको हुनसक्ने आशङ्कामा उद्धारकर्ताहरूले खोजी कार्य गरिरहेका छन् ।
मुख्य भूकम्पको धक्कापछि १९६ वटा परकम्पन गइसकेका छन्। तीमध्ये २३ वटा ४ म्याग्निच्युडभन्दा ठूला थिए।
