२५ कात्तिक, नेपालगञ्ज।
गम्भीर अवस्था भएपछि उपचारका लागि बर्दिया र दाङबाट बाँकेका विभिन्न अस्पतालमा ल्याईएका चार जना संक्रमितको गत २४ घण्टामा एकपछि अर्कोगरि उपचारकै क्रममा मृत्यु भएको छ ।
जिल्ला कोभिड १९ संकट ब्यवस्थापन केन्द्र बाँकेका अनुसार उपचारका क्रममा भेरी अस्पताल, नेपालगञ्ज शिक्षण अस्पताल र वेस्टर्न अस्पतालमा बर्दियाका तीन र दांगका एक गरि गत २४ घण्टाको अवधीमा चार जना संक्रमितको मृत्यु भएको हो ।
बाँकेका कोरोना फोकल पर्सन नरेश श्रेष्ठले बर्दिया ठाकुरद्धारा २ बाट उपचारका लागि ल्याईएका २९ वर्षिय पुरुषको सोमवार दिउँसो, बर्दिया बाँसगढी ८ का २९ वर्षिय पुरुषको सोमवार राती आठ बजे, दांग घोराही १५ बाट ल्याईएका ६४ बर्षिय पुरुषको सोमवार राती ९ बजे र बर्दिया राजापुर नगरपालिका ८ का ३२ वर्षिय पुरुषको मंगलवार दिउँसो मृत्यु भएको बताए ।
उनले घोराही १५ दांगका ६४ वर्षिय पुरुष र बर्दिया राजापुरका ३२ वर्षिय पुरुषको भेरी अस्पतालमा, बर्दिया ठाकुरद्धारा २ का २९ वर्षिय पुरुषको नेपालगञ्ज मेडिकल कलेज र बाँसगढी ८ बर्दियाका ३५ वर्षिय पुरुषको वेस्टर्न अस्पतालमा उपचारका क्रममा मृत्यु भएको बताए।
चारैजनाको अवस्था अतिनै गम्भीर रहेकोले उनिहरुको उपचारका क्रममा रेडमिसिविर, प्लाज्मा थेरोपी लगायतको उपचारको पद्दती अपनाउँदा पनि जोगाउन नसकिएको अस्पतालले जनाएका छन् ।
