५ मंसिर, काठमाडौँ ।
सरकारले विराटनगर विमानस्थलको विकास र विस्तारका लागि जग्गा अधिग्रहणको बाटो खुला गरिदिएको छ ।
संघीय मन्त्रिरिषदका निर्णय सार्वजनिक गर्दै सरकारका प्रवक्ता रहेका सञ्चार तथा सूचना प्रविधि मन्त्री पार्वत गुरुङले सरकारले सुर्खेत विमानस्थलका लागि ३० विगाह र विराटनगर विमास्थलका लागि १ सय २६ दशमलव ४६ विगाहा जग्गा अधिग्रहण गर्न नेपाल नागरिक उड्डयन प्राधिकरणलाई स्वीकृति दिएको बताए ।
सरकारको निर्णयसँगै अब विराटनगर विमानस्थललाई क्षेत्रीय अन्तर्राष्ट्रिय विमानस्थल बनाउनका लागि बाटो खुलेको छ। धावनमार्ग विस्तारका लागि विमानस्थलको पश्चिम तर्फ जग्गा अधिग्रहण गर्ने यसअघि नै निर्णय भईसकेको छ।
