२९ मंसिर, विराटनगर । प्रदेश १ सरकारले मोरङको ग्रामथानमा ज्येष्ठ नागरिक ग्राम निमार्ण गर्ने भएको छ।
नागरिक ग्रामको आज सोमबार शिलान्यास गरिने भएको छ ।
ज्येष्ठ नागरिक ग्रामको मुख्यमन्त्री शेरधन राई, सामाजिक विकास मन्त्री जीवन घिमिरेले शिलान्यास गरेका छन् । शिलान्यास कार्यक्रममा पुर्व मिस नेपाल तथा ज्येष्ठ नागरिक ग्रामकी डिजाईनर शृखंला खतिवडा, सामाजिक अभियान्ता रमेश प्रसाई, मानव सेवा आश्रमका अध्यक्ष रामजी अधिकारी लगायतको उपस्थिति रहेको थियो ।
सामाजिक विकास मन्त्रालयले यसअघि गुरुयोजना बारे सरोकारवालासँग छलफल र ज्येष्ठनागरिक ग्रामबारे जनप्रतिनिधि, स्थानीयवासीसँग छलफल गरेको थियो । छलफलमा आएका सुझाव सहित समेटेर गुरु योजनालाई अन्तिम रुप दिईएको शृखंला खतिवडाले बताइन् ।
सामाजिक विकास मन्त्रालयले मानव सेवा आश्रमसँगको सहकार्यमा ज्येष्ठनागरिक र मानव सेवा ग्राम निर्माण गर्ने भएको छ । १० विगाहा १४ कठ्ठामा ७२ वटा घरहरु निर्माण गरिने योजना बनाईएको छ । सामाजिक विकास मन्त्रालयले चालु आर्थिक बर्षका लागि ३ करोड ५० लाख बजेट विनियोजन गरेको छ ।
