५ माघ, काठमाडौँ । रविभवनस्थित सोल्टी सिटी अपार्टमेन्टमा लागेको आगो नियन्त्रणमा आएको छ ।
प्रहरीको प्रारम्भिक अनुसन्धानमा अपार्टमेन्टको भुइँ तलामा विद्युत सर्ट भइ आगलागी भएको पाइएको छ ।
आगो नियन्त्रणका लागि सशस्त्र प्रहरी, काठमाडौं उपत्यकाका ललितपुर, भक्तपुर र काठमाडौं महानगरपालिकाका दमकल र स्थानीयबासीले आगो नियन्त्रणमा लिएका हुन् ।
अपार्टमेन्टबाट तीन जना सामान्य घाइतेको उद्धार गरी अस्पताल लगिएको छ । थप विस्तृत विवरण भने आउन बाँकी छ ।
