९ माघ, काठमाडौं ।
नेकपा दाहाल–नेपाल समूहका नेता घनश्याम भुसालले प्रधानमन्त्री केपी ओलीलाई घुँडा टेकाएर मात्रै आन्दोलनले विश्राम लिने दाबी गरेका छन् ।
राजधानीमा त्यस समूहले आयोजना गरेको विरोध सभालाई सम्बोधन गर्दै नेता भुसालले आफूहरुको आन्दोलनले ओलीलाई घुँडा टेकाउने बताएका हुन् । ‘यो आन्दोलनले अब ओलीलाई घुँडा टेकाएर मात्रै विश्राम लिनेछ,’ उनले भने ।
भुसालले ओलीसँग साइबर सेनाभन्दा दोस्रो शक्ति नभएको बताएका छन्। अदालतले प्रतिनिधिसभा विघटनलाई बदर गर्ने समेत भुसालको दाबी थियो ।‘संविधान बमोजिम चल्ने अदालतले सेटिङमा विश्वास गर्दैन ।
सेटिङ जासुसी कथामा मात्रै हुन्छ अदालत कसैसँग डराउँदैन,’ उनले भने । आफूहरुको आन्दोलन ओलीविरुद्ध मात्रै नभएर ओलीजस्तै अर्को व्यक्ति पार्टीमा नजमिन्योस भन्नका लागि रहेको भुसालको भनाइ छ ।
