४ वैशाख, नेपालगन्ज ।
बाँकेको भेरी अस्पतालमा पछिल्लो २४ घण्टामा परीक्षण गरिएका १९० वटा नमुनामध्ये १०६ जनामा कोरोना संक्रमण पुष्टि छ ।
कोरोना पुष्टि भएका अधिकांश बाँकेका रहेका छन् । जिल्लामा केही दिनयता दैनिक ठूलो संख्यामा संक्रमित थप भइरहेका छन् ।
नाकामा मात्र २५ जना कोरोना पोजिटिभ देखिएका छन् । बाँकेमा बाहिरी जिल्लाबाट उपचार गर्न आएका ९४ जनाको मृत्यु भइसकेको छ ।
शुक्रबार मात्रै भेरी अस्पतलामा १८३ वटा नमुना परीक्षण गर्दा १२७ मा कोरोना संक्रमण पुष्टि भएको थियो ।
शुक्रबार पोजिटिभिटी रेट ६९.४ प्रतिशत रहेकोमा शनिबार ५५.७८ प्रतिशत देखिएको बाँकेका कोरोना फोकल पर्सन तेज वलीले जानकारी दिए ।
