३० जेठ, काठमाडौं ।
काठमाडौं महानगरपालिकामा रोकिएको कोरोनाविरुद्धको खोप कार्यक्रम सोमबारदेखि लगाइने भएको छ ।
काठमाडौं महानगरका अनुसार भोलि सोमबार र मंगलबार ६० र ६१ वर्ष उमेर समूहका व्यक्तिलाई भेरोसेल खोपको पहिलो डोज लगाइनेछ ।
जेठ २५ देखि काठमाडौं महानगरले सबै वडाहरुमा चिनियाँ खोप ‘भेरोसेल’ लगाउने अभियान सञ्चालन गरेको थियो । तर, गत बिहिबार सरकारले खोप उपलब्ध गराउन नसक्ने बताएपछि महानगरले अभियान स्थगित गरेको थियो ।
अब खोप वीर अस्पताल, सिभिल अस्पताल, त्रिवि शिक्षण अस्पताल र वीरेन्द्र सैनिक अस्पताल छाउनी, निजामती कर्मचारी अस्पताल बानेश्वरमा खोप लगाइने भएको छ ।
