विराटनगर, असार १६
विराटनगर महानगरपालिका वडा नम्बर ४ मा निर्माण भैरहेको अत्याधुनिक प्रविधि सम्पन्न तारणीप्रसाद कोइराला संचार ग्रामको संचारमन्त्री गोकुल बास्कोटा सहितको टोलीले निरिक्षण गरेको छ । निरिक्षणका क्रममा मन्त्री बास्कोटाले तोकिएको समयभित्र नै निर्माण सम्पन्न गर्ने गरी काम गर्न निर्देशन दिएका छन्।
संचारग्रामको मन्त्री बाँसकोटा , विराटनगर महानगरपालिका प्रमुख भीम पराजुली, मोरङका प्रमुख जिल्ला अधिकारी रामप्रसाद आचार्य लगायतले निरिक्षण गरेका थिए । सुचना प्रविधि तथा संचारमन्त्री गोकुल बाँस्कोटाले निर्माणहुदै गरेको तराणीप्रसाद कोइराला संचारग्राम मुलुकको लागि ऐतिहासिक धरोहर भएकाले काममा सम्झौता नगरी तोकिएकोको समयमा काम सम्पन्न गर्न निर्देशन दिएका छन् ।
रेडियो नेपाल र विराटनगर महानगरपालिकाकाको सहयोगमा विराटनगर ४ खार्जी कोहबरामा निर्माण भइरहेको संचारग्रामको शनिबार विहान निरिक्षण एवम् अनुगमन पछि आयोजित छलफल कार्यक्रममा मन्त्री वास्कोटाले संचारग्राम निमार्णको काम सन्तुष्ट रुपमा भइरहेको बताए।
उनले रेडियो नेपालको संस्थापक तारणीप्रसाद कोइरालाको नाममा निर्माण भइरहेको संचारग्रामको इतिहासको विरासत थाम्ने भएकाले यस्ता ऐतिहासिक धरोहरको काममा मन्त्रालयले वजेटको अभाव हुन नदिने बताए। उनले मुलुकभर भइरहेको सरकारी कामको आफुले अनुगमन गरिरहेको भन्दै संचारग्रामको काम आफुलाई चित वुझदो लागेको बताए ।
कार्यक्रममा रेडियो नेपालका सुचना अधिकारी बुद्धीबहादुर केसीले संचारग्रामको २५ प्रतिशत काम सम्पन्न भएकाले तोेकिएकै मितिमा काम पुराहुने बताए । संचारग्रामलाई मिडिया हवको रुपमा विकासगर्नेगरी संरचना तयार भइरहेको उनले वताए ।सञ्चार मन्त्रालय र रेडियो नेपालको १८ करोड लागतमा सञ्चारग्राम निर्माण भइरहेको छ ।
७ कट्ठा ६ धुरमा निर्माण हुन लागेको संचार ग्राम ४ तले हुनेछ । महानगरपालिकाको व्यवस्थापनमा निर्माण भैरहेको संचारग्राम नेपालको नमूना सञ्चारग्राम हुने बताइएको छ । आगामी २०७५ चैत मसान्तभन्दा अघि नै निर्माण सम्पन्न गरिसक्ने गरी काम तिव्र गतिमा अगाडि बढाइएको छ ।
