किशोर विश्वकर्मा
विराटनगर, असार १८
प्रदेश नम्बर १ कै उत्कृष्ट प्राविधिक शिक्षालय मोरङको बुढीगंगा ४ स्थित मनमोहन स्मृति पोलिटेक्निक इन्स्टीच्यूट अब प्राविधिक विश्वविद्यालय भएको छ । विभिन्न प्राविधिक विषय अध्यापन हुँदैआएको सो इन्स्टीच्यूट १ नम्बर प्रदेश सरकारले प्राविधिक विश्व विद्यालय घोषणा गरेको हो ।
सो इन्स्टीच्यूटको एक कार्यक्रमका बिच १ नम्बर प्रदेशका मुख्यमन्त्री शेरधन राईले केहि दिन अघि मात्र विश्व विद्यालय घोषणा गरेका हुन् । प्रदेश सरकारले सो इन्स्टीच्यूटलाई विश्व विद्यालयका रुपमा विकास गर्न आर्थिक वर्ष २०७५÷७६ को निति तथा कार्यक्रममै समेटेको छ ।
नेपालका लोकप्रिय प्रधानमन्त्री मनमोहन अधिकारीको ९८ औँ जन्म जन्तिको अबसरमा गएको असार १५ गते आयोजित समारोहमा प्रदेश १ का मुख्य मन्त्री शेरधन राईले प्रदेशमा चाहिँने प्राविधिक जन शक्ति सोहि विश्व विद्यालयले तयार पारिने र बेरोजगारि समस्या न्यूनिकरण गरिने बताए ।
उनले सो प्राविधिक विश्वविद्यालयबाट उत्पादित जनशक्ति अन्य प्रदेशमा समेत उपलब्ध गराईने दावी गरे । विश्व विद्यालयको सुचना प्रविधिको विकास गर्दै अन्तराष्ट्रिय श्रम बजारमा समेत उत्पादीत जनशक्ति पुगेर आय आर्जन गर्ने दावी गरे ।
मुख्यमन्त्री राइले प्राविधिक विश्व विद्यालयको भौतिक पूर्वाधर विकासका लागि प्रदेश सरकारले ऐन कानुन निर्माण गरेर सवै प्रकारका सहयोग गर्ने प्रतिवद्धता समेत व्यक्त गरे ।
कार्यक्रममा पूर्व उपप्रधान तथा अर्थमन्त्री एवम् मनमोहन स्मृति प्रतिष्ठानका अध्यक्ष भरतमोहन अधिकारी विश्विद्यालयले आगामि वर्षहरुमा अन्य विषयहरु थप गर्दै लगिने जानकारी दिए । उनले सरकारले मनमोहन स्मृति पोलिटेक्नीकको विकास र प्रवद्र्धनका लागि प्रदेश तथा तथा संघिय सरकारले नितिगतनै निर्णर्य गरेको भन्दै प्रसंसा गरे ।
कार्यक्रममा प्रदेश १ का सामाजिक विकास मन्त्री जिवन घिमिरेले आदीबासि जनजाति, मधेशि, दलित, मुस्लिमलगायत अन्य जातजातीहरुको बसोबास रहेको सो क्षेत्रमा स्थापित इन्स्टीच्यूटले प्राविधिक जनशक्ति उत्पादन गरि बजार रहेको दक्ष जनशक्ति अभाव पूर्ति गर्न ठुलो सहयोग पु¥याइरहेको बताए ।
उनले प्रदेशको सामाजिक मन्त्रालयबाट आवश्यक ऐन कानुन तर्जुमा ड्राफ्ट गर्ने कार्यमा सहयोग गर्ने प्रतिवद्धता जनाए । कार्यक्रममा संघिय सांसदका सदस्य अमनलाल मोदी, प्रदेशसभा सदस्य केदार कार्की, जयराम यादव, उपेन्द्र घिमिरे, विजय विश्वास,वेलवारि नगरपालिका मेयर ज्ञानेन्द्र सुवेदी, दुहवी नगरपालिकाका मेयर वेदनारायण गच्छदार, नेकपाको केन्द्रिय सदस्य विनाद ढकाल, महेश रेग्मी, गोपि आछामि उद्योग संगठन मोरङका अध्यक्ष मुकेश उपाध्यायलगायतले पूर्व प्रधानमन्त्री मनमोहन अधिकारीले मुलुकका लागि पु¥याएको योगदानका विषयमा चर्चा गरेका थिए ।
सो अबसरमा बुढीगंगा गाउँपालिकाका अध्यक्ष बालचन्द्र माझिले आफ्नै गाउँपालिकामा रहेको इन्स्टीच्यूट विश्व विद्यालय भएको खुशि व्यक्त गरे । पोलिटेक्नीकका प्राचार्य डा. सुभाषश्री पोखरेलले कलेजका बर्तमान गतिविधि र प्रतिवेदन प्रस्तुत गरेका थिए । प्राचार्य पोखरेलले पोलिटेक्नीकलाई हाल , जापान सरकार, स्वसीस सरकारको समेत सहयोगमा विभिन्न परियोजनाहरु सञ्चालनमा रहेको जानकारी दिए ।
दिवसका अबसरमा , नवनिर्भित सिभिल इनजीनियरिङको उद्घाटन, आदर्श नेता र लोकपृय प्रधानन्त्री पुस्तक विमोचन, रक्तदान, बृक्षारोपण तथा उत्कृष्ट विद्यार्थिहरुलाई पुरस्कार तथा सम्मा गरिएको थियो ।
त्यस्तै जग्गादाताहरु हरिप्रसाद शर्मा काफ्लेले ललितपुर सानेपाको १३ आना क्षेत्रफलमा रहेको घर जग्गा दिएको प्रति सम्मान गरिएको थियो । जग्गादाताहरु ऋषिमोहन रेग्मी, डा. भोला रिजालले र मुरारी रेग्मीले प्रतिष्ठान पोलिटेक्नीकलाई प्रदान गरेको १÷१ विघा गरि ३ विघा जग्गा प्रदान गरेकोमा सम्मान गरिएको थियो ।
करिब २१ विघा क्षेत्रफलमा सञ्चालन भईरहेको मनमोहन स्मृति पोलिटेक्निकमा सिभिल इनजीनियरिङ, मेकानिकल, इलेक्ट्रिकल, इलेक्ट्रोनिक्स,लगायतका भोकेसनल ट्रेनिङ(छोटो अवधिका तालिमहरु) लगायतकाप्राविधिक विषयहरुको अध्यापन हुँदै आएको छ ।
नेपाल सरकार, भारतस सरकार र मनमोहन स्मृति प्रतिष्ठान बिच २०६० सालमा भएको त्रिपक्षिय सम्झौता बमोजिम भौतिक पूर्वाधार, मेशिनरि उपकरण र मानविय सहयोग भारत सरकारबाट प्राप्त भएको थियो ।
मनमोहन स्मृति प्रतिष्ठानका सदस्य तथा सुचना प्रमुख सत्य नारायण चौधरीले शैक्षिक, आर्थिक तथा सांस्कृतिक प्रवद्र्धन सँग संगै राष्ट्रिय अन्तराष्ट्रिय क्षेत्रमा परिचित गराई यो भेगमा रहेका आदीवासि थारु मुस्लिम, दलित, मधेशीलगायतमा सामाजिक सदभावदेखि विकासमा ठेलो टेवा पु¥याउँदै आएको बताए ।
