काठमाडौं : नेपाल प्रज्ञा प्रतिष्ठानको उद्देश्यमध्ये एक हो, भाष, साहित्यका विद्वान् एवं प्रतिभाहरुको सम्मान । तर, प्रतिष्ठानले संग्रहालय बनाउने नाममा महाकवि लक्ष्मी प्रसाद देवकोटाको ऐतिहासिक घर भत्काएको छ ।
जीर्णेद्धार गरी संरक्षण गर्नुपर्नेमा महाकविको सग्लो इतिहास नामेट पारेको भन्दै लेखक, साहित्यकारदेखि सम्पदा विज्ञसम्मले आलोचना गरिरहेका छन् ।
मैतीदेवी मन्दिरनजिकै शास्त्रीमार्ट टोलाम महाकवि देवकोटाको घर अर्थात कुविकुञ्ज थियो । कविकुञ्ज साहित्यको मन्दिर थियो । साहित्यानुरागी पूजा गर्न जाने तीर्थस्थल थियो । केही दिनअघिसम्म महाकविको छायाँ बोकेर उभिएको थियो । जहाँ महाकविको कलम चलाएका कोटा, चोठा थिए । जहाँ महाकविले कलम चलाएका कोटा, चोठा थिए ।
स्पर्श गरेका भिक्ता र भुइँहरु थिए । उनी बसेका कुर्सी थिए । महाकविकै माया पाएका पदचाप भेटिन्थे । जुन घरले महाकविलाई सर्जिना गर्न साथ दिइरह्यो ।
देवकोटालाई नजिकबाट अनुभूत गराउने त्यो घर एउटा ‘जीवित’ इतिहास थियो । कविकुञ्ज परिसरमा आइतबार पुग्दा डोजर चलिरहेको थियो । बाँकी रहेका संरचनामा डोजर चलाइँदै थियो । एकातिर मक्किएका काठ थुपारिएको थियो । अर्कोतिर काँचो इँटाका टुक्राटाक्री थिए । महाकवि देवकोटाकी माइली छोरी अम्बिका रिमालले छेउमै भत्किरहेका घर हेर्दै बुवासँगको सम्झना साटिन् ।,याे समाचार अन्नपूर्ण पाेस्ट दैनिकमा छापिएकाे छ ।
