२९ साउन, काठमाडौं ।
त्रिभुवन विश्वविद्यालयद्वारा भौतिकरुपमा सञ्चालन गर्दै आएकाे परीक्षालाई रोक्न माग गर्दै सर्वोच्च अदालतमा रिट दायर भएकाे छ । शुक्रबार हामी नेपाल नामक सामाजिक संस्थाले सर्वोच्चमा रिट दायर गरेको हाे ।
जनस्वास्थ्यका मापदण्ड उल्लंघन गर्दै भौतिकरुपमा परीक्षा संचालन गरेर त्रिभुवन विश्वविद्यालयले विद्यार्थीको जीवनसँग खेलवाड गरेको उक्त रिटमा उल्लेख छ ।
प्रधानमन्त्री तथा मन्त्रिपरिषदको कार्यालय, शिक्षा मन्त्रालय, त्रिभुवन विश्वविद्यालय र परीक्षा नियन्त्रकको कार्यालयलाई विपक्षी बनाइएको दायर गरिएकाे उक्त रिटमा अन्तरिम आदेशसहितको उत्प्रेषण र परमादेश माग गरिएको छ ।
