काठमाडौं: वैशाख १६ गतेदेखि जारी निषेधाज्ञा खुकुलो भएको करीब १ महीना बजारमा मागै नदेखिएको अटोमोबाइलको बजार अहिले भने चलायमान हुन थालेको छ । व्यवसायीहरूका अनुसार बजारमा सवारीसाधनबारे सोधपुछ गर्ने र बुकिङ गर्नेको संख्या उकालो लाग्दै गएको छ ।
कोभिडको दोस्रो लहरका कारण गत वैशाख १६ गतेदेखि भएको निषेधाज्ञाका कारण ठप्प रहेको अटोमोबाइल क्षेत्र गत असार दोस्रो सातादेखि खुलेको थियो । शोरूम खुले पनि शोरूममा सवारीसाधनबारे बुझ्न आउने ठप्पै भएको गुनासो व्यवसायीहरूले गर्दै आएका थिए ।
बजार खुलेको करीब १ महीनासम्म सोधपुछका लागि आउने पनि कोही नभएकोमा अहिले भने माग बढ्न थालेको छ ।, याे समाचार आजको आर्थिक अभियान दैनिकमा काशीराम बजगाईंले लेखेका छन् ।
