विराटनगर, असार २८
मोरङ जिल्ला अदालतले चालु आर्थिक वर्ष २०७४ । ०७५ का अवधिमा ६० प्रतिशत मुद्दा फैसला गरेको छ । मुख्य न्यायाधीश राजुकुमार खतिवडाले छ हजार ४७३ मुद्दामध्ये तीन हजार ८९४ फैसला भएको बुधबार पत्रकार सम्मेलनमा बताए ।
एक वर्षका अवधिमा चार हजार २६० नयाँ मुद्दा र गत वर्षको जिम्मेवारी सरिआएको २ हजार २१३ मुद्दा थिए । अहिले अदालतमा १८ महिना नाघेका २४२ मुद्दा र ९३ थुनुवा मुद्दा छन् । यस्तै अदालतले मेलमिलापबाट एक वर्षमा १६१ मुद्दाको फछ्र्याेट गरेको छ ।
यसै गरी निरन्तर सुनुवाइ गर्नुपर्ने ३५४ मुद्दा दर्ता भएकामा १८३ फछ्र्याेट भएको तथा बाल इजलाससँग सम्बन्धित २८ मध्ये २१ फछ्र्याेट भएको मुख्य न्यायाधीश खतिवडाले बताए । अदालतले फैसला कार्यन्वयनतर्फका ८६७ मुद्दामध्ये ५९९ मुद्दा कार्यन्वयनमा ल्याएको छ भने २६८ विचााधीन रहेको बताइएको छ ।
अदालतका स्रेस्तेदार नवराज दुलालले प्रकृतिअनुसार सबैभन्दा बढी मुद्दा अंश र सम्पत्तिसँग सम्बन्धित भएको बताए । एक वर्षका अवधिमा एक हजार ७५ अंशसँग सम्बन्धित मुद्दामध्ये ५८६ मुद्दा फछ्र्याेट भएका छन् ।
रासस
