८ असाेज, काठमाडाैँ ।
मलेसियाले नेपाली कामदारका लागि श्रम अनुमतिसहित मलेसिया प्रवेश गर्ने यात्रा अनुमति खुल्ला गरेसँगै कोरोनाको संक्रमण सुरु भएयता रोकिएको त्याहाको श्रम बजारमा अब नेपालीहरु जाने छन् । पूरानो श्रम गन्तब्य मलेसियामा अहिले पनि लाखौ नेपाली कार्यरत छन् ।
यसरी श्रम गरिरहेका मध्ये धेरै नेपालीहरु गैरकानूनी रुपमा बसेपछि कानूनी कारबाहीमा समेत पर्ने गरेका छन् । यसरी विनमा अनुमति पवना कागजात मलेसियामा बसिरहेका आप्रवासीहरुका लागि त्याहाको सरकारले आफूलाई वैधानिक बनाउन सक्ने अवसर दिएको छ । मलेसियामा रहेको नेपाली दूतावासले समेत त्यहाँ रहेका नेपाली श्रमिकलाई गैर कानुनी अर्थात् ‘अनडकुमण्टेड’ भएर नबस्न आग्रह गरेको छ ।
मलेसियाको सरकारले त्यहाँ गैर कानुनी भएर रहेका आप्रवासी श्रमिकलाई जरिवाना तिरेर आफ्नो कानुनी अवस्था सुधार्न मौका दिएको छ । अनडकुमेण्टेड हुँदा नेपाली श्रमिक जेल पर्ने गरेको पाइएको भन्दै समयमै मलेसिया सरकारले प्रदान गरेको अवसरको फाइदा उठाइ आफ्नो कानुनी अवस्था सुधार्न दूतावासले आग्रह गरेको हो ।
अहिले अवैधानिक भएकाहरुलाई मलेसियाको सरकारले डिसेम्बर अन्तिम सम्म घर फर्किनको लागि रिक्यालिब्रेशन अवधि थप गरेको छ । रिक्यालिब्रेशन कार्यक्रम अन्तर्गत मलेसियाले गैर कानुनी श्रमिकलाई दुई अवसर दिएको छ । पहिलो निश्चित शुल्क तिरेर स्वदेश फर्कन पाइन्छ भने दोस्रो चाहिँ पुनः मलेसियामा आफ्नो कागजात सच्याउँदै कानुनी रूपमा काम गर्न पाइन्छ । त्यसको लागि एक सय ६० मलेसियन रिंगिट राजस्व तिरेर दूतावासमा आइ ट्राभल डकुमेण्ट बनाउनुपर्छ । ट्राभल डकुमेण्ट दूतावासले दुई दिनमा उपलब्ध गराउँछ ।
त्यसपछि ट्राभल डकुमेण्ट, टिकट र ७२ घण्टाको पीसीआरको नेगेटिभ रिपोर्ट लिएर केएलआईए काउण्टरबाट चेकआउट मेमो लिएर नेपाल फर्किन सकिन्छ । पीसीआर रिपोर्ट पोजेटिभ भएको खण्डमा नेपाल फर्किन नपाइने पनि दूतावासले प्रष्ट पारेको छ । यस्तै मलेसिया सरकारले नेपाल लगायत दक्षिण एसियाली पाँच देशलाई यात्रा अनुमति खुल्ला गरेको छ ।
