२० असाेज, एजेन्सी ।
टेलिभिजनको सवैभन्दा लोकप्रिय धारवाहिक श्रृङ्खला ‘रामायण’मा ‘रावण’को भूमिका निर्वाहा गरेर चर्चामा आएका कलाकार अरविन्द त्रिवेदीको निधन भएको छ । उनको ह्रदयघातका कारण ८३ बर्षको उमेरमा निधन भएको भारतीय मिडियाले उल्लेख गरेका छन् ।
केही वर्षयतादेखि उनी बिरामी थिए र हिँड्न सक्दैन थिए । तीन वर्षमा उनको स्वास्थ्य अवस्था झनै खराब भएको थियो । एक महिनाअघि मात्रै उनी अस्पतालबाट घर फर्केका थिए । तर, उनमा कुनै ठूलो रोग भने देखिएको थिएन ।
अरविन्दको जन्म मध्यप्रदेशको उज्जैन शहरमा भएको हो । उनले करिअरको सुरुवात भने गुजरातको रंगमञ्चबाट गरेका हुन् ।
हिन्दी भाषाको पपुलर धार्मिक सिरियल ‘रामायण’बाट घर घरमा परिचय बनाएका अरविन्देले ३०० भन्दा धेरै हिन्दी र गुजराती चलचित्रमा अभिनय गरेका छ ।
अरविन्दको निधनमा बलिउडका कलाकार, टेलिभिजनका कलाकारहरुले दुःख व्यक्त गरेका छन् । उनकाे को आज नै अन्त्येष्टि गरिँदैछ ।
