२२ असोज, काठमाडौं ।
नेकपा एकीकृत समाजवादीले पार्टी सचिव रामकुमारी झाँक्रीलाई स्वास्थ्य तथा जनसंख्यामन्त्री बनाउने तयारी गरेको छ ।
बिहीबार बसेको स्थायी कमिटी बैठकमा झाँक्रीलाई स्वास्थ्यमन्त्री बनाउने प्रस्ताव गरिएकाे छ । बैठकमा यसबारे प्रारम्भिक छलफल भएकाे र शुक्रबार आकांक्षीहरुसँग बसेर निणर्य गर्ने एक स्थायी कमिटी सदस्यले जानकारी दिए ।
झाँक्रीसँगै विरोध खतिवडा, प्रेमबहाहदुर आले र कृष्णकुमार श्रेष्ठ किसानलाई मन्त्री बनाउने प्रस्ताव पेश भएको छ । ती नेताका अनुसार खतिवडालाई शहरी विकास, झाँक्रीलाई स्वास्थ्य, आलेलाई संस्कृति पर्यटन तथा नागरिक उड्डयन र श्रेष्ठलाई श्रम रोजगार तथा सामाजिक सुरक्षा मन्त्री बनाउने प्रस्ताव गरिएकाे छ ।
प्रधानमन्त्री शेरबहादुर देउवाले शुक्रबार(आज) मन्त्रिपरिषद् विस्तार गर्ने तयारी गरेको छन् ।
