२२ असाेज, काठमाडौँ ।
प्रधानमन्त्री शेरबहादुर देउवाले आज शुक्रवार मन्त्रीपरिषद्लाई विस्तार गर्ने तयारी गरेका छन्। प्रधानमन्त्री बनेको ८८ औँ दिनमा देउवाले मन्त्रिपरिषद्लाई पूर्णता दिन लागेका हुन् ।
सत्ता गठबन्धनका शीर्ष नेताहरूबिच बिहीबार मन्त्रालय भागबन्डामा कुरा मिलेपछि आज प्रधानमन्त्री देउवाले मन्त्रिपरिषद् विस्तार गर्न लाग्नुभएकाे प्रधानमन्त्रीको सचिवालयले जानकारी दिएको हो । सत्ता गठबन्धनका दलहरुबाट मन्त्री बन्नेहरुको नाम प्राप्त हुनासाथ मन्त्रिपरिषद विस्तार गर्ने तयारी छ । मन्त्रीकाे सपथ पनि आजै साँझ हुने स्राेतले जनाएकाे छ ।
सहमतिअनुसार काँग्रेसले प्रधानमन्त्रीसहित ९, माओवादी केन्द्रले ५, जसपा र एकीकृत समाजवादीले ४–४ मन्त्रालय पाउने छन्। साथै माओवादी केन्द्र, एकीकृत समाजवादी र जसपाले एक–एक जना राज्यमन्त्री पनि पाउने छन्।
