२४ असोज, काठमाडौं ।
माल्दिभ्सले साफ च्याम्पियनसिप फुटबलमा दोस्रो जित निकालेको छ । मालेस्थित राष्ट्रिय रंगशालामा श्रीलंकालाई १–० ले पराजित गर्दै माल्दिभ्सले दोस्रो जित निकालेको हो ।
माल्दिभ्सको जितमा पूर्वकप्तान अलि अश्फाकले निर्णायक गोल गरे । उनले खेलको छैटौं मिनेटमा हेडरमार्फत् गरेको गोल नै निर्णायक सावित भयो ।
यस जितसँगै माल्दिभ्स दोस्रो स्थानमा उक्लिएको छ । माल्दिभ्सले ३ खेलमा ६ अंक जोडेको छ । माल्दिभ्सले फाइनलमा स्थान बनाउने सम्भावना बलियो समेत बनाएको छ ।
माल्दिभ्सको जितले साफ च्याम्पियनसिपमा भारतको फाइनल पुग्ने समीकरणमा पनि घाटा पुगेको छ ।
