२२ मंसिर, एजेन्सी ।
विश्वव्यापी मान्यता रहदै आएको ८ घण्टा काम ८ घण्टा आराम अनि साता दिनमा अनिवार्य एक दिन आराम । अन्तराष्ट्रिय प्रचलनमा भने सातामा दुई दिन धेरै देशहरुले विदा दिदै आएका छन् । तर विभिन्न देशमा आफू अनुकुलका आ–आफ्नै नियमहरु बनाइएका छन् ।
यस्तै नयाँ नियम अहिले संयुक्त अरब इमिरेट्स (यूएई) ले बनाएको छ । विश्वमै पहिलो पटक (यूएई) ले साढे चार दिनको कार्य हप्ता तोकेको बताएको छ । यसअघि हप्तामा दुई दिन शनिवार र आइतवार बिदा दिँदै आएकोमा अब शुक्रबार आधा दिनपछि बिदा दिएर साढे चार दिनको कार्य हप्ता तोकेको अन्तराष्ट्रिय सञ्चारमाध्यमहरुले जनाएका छन् ।
विश्वका अरू देशमा अहिले पाँच तथा ६ दिनको कार्य हप्ता रहेको छ । साढे चार दिनको कार्य हप्ता आउँदो जनवरी २ देखि लागू हुनेछ । सबै सङ्घीय सरकारी विभागमा जनवरी १ तारिखदेखि नै नयाँ कार्य हप्ता लागू हुनेछ । कर्मचारीहरूलाई दैनिक काम गर्ने समय आठ घण्टा तोकिएको छ । शुक्रवार साढे चार घण्टा मात्रै काम गर्नुपर्ने छ । शुक्रबर कर्मचारीहरूलाई घरबाटै काम गर्ने सुविधा वा केही लचिलो कार्यसूची लागू हुनेछ ।
कार्य हप्ता छोट्याउँदा उत्पादकत्व बढ्ने तथा कर्मचारीलाई काम र जीवनयापनको तालमेलमा सहज हुने यूएई सरकारले विश्वास लिएको अन्तराष्ट्रिय सञ्चारमाध्यमहरुले जनाएका छन् । यूएई नेपालीका लागि प्रमुख वैदेशिक श्रम बजार हो । त्याहाको यो साढे ४ दिनको कार्यहप्ताले नेपालीहरुले पनि अब लाभ लिनेछन् । साढे ४ दिन हरेक दिन ८घण्टा कामगरेपछि बाँकी समयमा अतिरिक्त समय काम गर्दा अब नेपाली श्रमिकलाई थप लाभ मिल्नेछ ।
