७ चैत्र, चितवन ।
चितवनमा छात्रामाथि यौन दुर्व्यवहार गर्ने शिक्षक पक्राउ परेका छन् ।
माडी नगरपालिका-१ बरुवास्थित शोमेश्वर उच्च माध्यमिक विद्यालयका शिक्षक सुरज लामिछानेलाई चितवन प्रहरीले पक्राउ गरेको हो ।
गएको २९ फागुनमा कक्षा ९ मा अध्यनरत १५ वर्षकी छात्रामाथि माडी–५ बस्ने ३७ वर्षीय शिक्षक लामिछानेले यौन दुर्व्यवहार गरेका थिए । पीडित विद्यार्थीका अनुसार शिक्षक लामिछानेले पटक–पटक अन्य छात्राहरूमाथि पनि यौन दुर्व्यवहार गर्दै आएका थिए ।
आइतबार पीडित विद्यार्थीका आफन्तले जिल्ला प्रहरी कार्यालयमा जाहेरी दिएपश्चात शिक्षक लामिछानेलाई पक्राउ गरिएको चितवन प्रहरीका सूचना अधिकृत डीएसपी नरहरि अधिकारीले जानकारी दिए ।
घटनाबारे थप अनुसन्धान अगाडि बढाइएको अधिकारीले बताए ।
