२९ चैत ,काठमाडौँ । एएफसी फुटसल एसियन कप छनोटको अन्तिम खेलमा नेपालले आज अफगानिस्तानसँग खेल्दैछ ।
किर्गिस्तानमा खेल नेपाली समय अनुसार दिउँसो पौने दुई बजे सुरु हुनेछ ।
पहिलो खेलमा नेपाल उज्बेकिस्तानसँग ५–१ र दोस्रो खेलमा ताजिकिस्तानसँग ११–१ ले पराजित भएको थियो ।
छनोटको सेन्ट्रल र साउथ जोन अन्तर्गत समूह ‘बी’मा रहेको नेपाल बाहिरिसकेको छ । आजको खेलमा अफगानिस्तानलाई हराउन सके नेपालको सान्त्वना जित हुनेछ ।