सिन्धुली, बैशाख १३ । सत्ता गठबन्धनबाट सिन्धुलीको कमलामाइ नगरपालिकाको उपमेयर पदमा मनोनयन दर्ता गरेका दीर्घराज श्रेष्ठको उम्मेदवारी बदर भएको छ ।
गठबन्धन दलहरूबीच भागभन्डामा कमलामाइ नगरपालिकाका उपमेयर माओवादी केन्द्रबाट श्रेष्ठले उम्मेदवारी दर्ता गराउनु भएको थियो । दुई महिनाअघि माओवादी केन्द्र प्रवेश गरेका श्रेष्ठ जनता समाजवादीबाट समानुपातिक बन्दसूचीमा हुनुहुन्थ्यो । श्रेष्ठले भने महिनाअघि नै बन्दसूचीबाट नाम हटाउन जनता समाजवादीले निर्वाचन आयोगलाई पत्र लेखिसकेकाले उम्मेदवार कायम हुने जिकिर गर्नुभएको थियो ।
