प्रहरी नायब उपरीक्षक डिएसपीमा बढुवा भएका ५७ जना अधिकृतले पाए दर्ज्यानी चिन्ह

२७ असार,काठामाण्डौ ।
सशस्त्र प्रहरीको प्रहरी नायब उपरीक्षक डिएसपीमा बढुवा भएका ५७ जना अधिकृतले दर्ज्यानी चिन्ह पाएका छन्। प्रहरी निरीक्षकबाट डिएसपीमा बढुवा भएका ५७ जनालाई सोमबार प्रधान कार्यालय हल्चोकमा सशस्त्र प्रहरी महानिरीक्षक राजु अर्यालले दर्ज्यानी चिन्ह लगाइदिएका हुन्।दर्ज्यानी चिन्ह लगाइदिएसँगै उनले पदोन्नती भएका अधिकृतहरूलाई बधाई समेत दिए।उनले संगठनमा खाली रहेका सबै पदहरूमा तत्कालै बढुवा गर्ने गरी आफुहरू अगाडी बढिरहेको पनि बताए।खाली पदहरू सिमित रहँदा सबैले एकै पटक पदोन्नती प्राप्त गर्न नसके पनि लामो समयसम्म एउटै पदमा रहेर कार्य गरिरहेका अधिकृतहरूको वृत्तिविकासका लागि कार्यसम्पादन मुल्यांकन प्रणालीलाई वस्तुपरक र वैज्ञानिक बनाउने पनि बताए।त्यस्तै संगठन व्यवस्थापन तथा सर्वेक्षण वा विशेष पद श्रृजना गर्नेतर्फ समेत पहल भइरहेको बताए।