Nepal Times
Nepal Times
3
Shares

रोनाल्डो अल नासिरमा आवद्ध भएको खबर झुटो

रोनाल्डो अल नासिरमा आवद्ध भएको खबर झुटो

२१ म्ंसिर, एजेन्सी ।
पोर्चुगलका स्टार फुटबलर क्रिस्टियानो रोनाल्डोले आगामी सिजनमा युरोपको शीर्ष क्लबको साटो साउदी अरेबियाको क्लब अल नासिरसँग आबद्ध भएर यूएईको लिग खेल्ने भनेर बाहिरिएको समाचारको खण्डन गरेका छन् । रोनाल्डोले फिफा विश्वकपपछि साउदी अरेबियाको क्लब अल नासिरमा आवद्ध भएको खबरको खण्डन गरेका हुन् ।

उनले विश्वकपमा आफ्नो राउन्ड अफ १६ को भिडन्तमा पोर्चुगलले स्विट्जरल्याण्डलाई ६–१ ले हराएपछि भनेका छन् “होइन, यो सत्य होइन – सत्य होइन“ । रोनाल्डोलाई अल नासिरसँग जोड्ने रिपोर्टहरू म्यानचेस्टर युनाइटेडले पियर्स मोर्गनसँगको विस्फोटक अन्तर्वार्तापछि सम्झौता रद्द गरेपछि आएका थिए । अन्तर्वातामा उनले प्रबन्धक एरिक टेन ह्याग र क्लबका मालिकहरूको आलोचना गरेका थिए।

३७ वर्षीय रोनाल्डो अहिले निःशुल्क एजेन्ट भएका छन् र क्लब स्तरमा उनको उपलब्धताले कतार र बाहिरको ध्यान तानिरहेको छ। पियर्स मोर्गनले पनि यसअघि पोर्चुगलका कप्तानले च्याम्पियन्स लिग खेल्न चाहेकोले साउदी अरेबिया जाने कुरालाई अस्वीकार गरेका थिए।

मोर्गनले टेलिग्राफलाई भने, “उनी सोच्छन् कि यदि उसले यो विश्वकपमा राम्रो गर्छन भने, उसले वास्तवमा जे चाहन्छ त्यो प्राप्त गर्नेछ। ” उनले थप भनेका छन् त्यो कुनै च्याम्पियन्स लिगको क्लब हो जसले उसको कीर्तिमान र विरासतलाई विस्तार गर्दछ। यसअघि स्पेनको वेबसाइट मार्काले रोनाल्डोले करिब २ सय मिलियन युरोमा अल नासिरसँग सम्झौता गरेको दावी गरेको थियो ।

मार्काको अनुसार आगामी साढे दुई सिजन उनी क्लबसँग आबद्ध हुनेछन् । ट्रान्सफर विन्डो खुल्नाबितिकै उनी यो क्लबसँग आबद्ध हुने पनि उसले दावी गरेको छ । रोनाल्डोले अहिलेसम्म युरोपका चार शीर्ष क्लबसँग खेलिसकेका छन् । उनले क्लबस्तरीय खेलमा ७ सय १ गोल गरेका छन् ।

सबैभन्दा बढी स्पेनी ला लिगा क्लब रियल मेड्रिडविरुद्ध गरेका थिए । उनले यो क्लबबाट ४ सय ३८ खेलबाट ४ सय ५० गोल गरेका थिए । यसपछि उनले म्यानचेस्टर युनाइटेडका लागि १ सय ४५ गोल गरेका थिए । अन्यमा उनले युभेन्टसका लागि १ सय १ गोल र पोर्चुगलको क्लब स्पोर्टिङ सीपीका लागि ४ गोल गरेका थिए ।

रोनाल्डोले समग्रमा कुल ८ सय १९ गोल गरेका छन् । उनले पोर्चुगलका लागि १ सय १८ गोल गरेका छन् । हाल विश्वकपमा खेलिरहेका रोनाल्डोले पोर्चुगलको पहिलो खेलमा घानाविरुद्ध एक गोल गरेका थिए । यो उनको १ सय १८औं अन्तर्राष्ट्रिय गोल थियो ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.