३० पौष ,एजेन्सी ।
विश्वमा सबैभन्दा बढी जनसङ्ख्या भएको चीन भए पनि घट्दो जन्मदर चीनको सबैभन्दा ठूलो चिन्ताको विषय हो । जसका कारण केही समयपछि त्याहाको जनसङ्ख्या अधिक पौढ हुनेछन् । यस्तो अवस्थाबाट बच्न चीनले पहिलेदेखि नै कदम चाल्न थालिसकेको छ ।
यसको पछिल्लो उदाहरण सन्तान जन्माउनका लागि अभिभावकलाई दुई लाखभन्दा बढीको अफर हो । जनसंख्या घट्न नदिन चीनमा जनतालाई यस्ता धेरै अफर दिइँदै आएको छ । वास्तवमा चीन आफ्नै ‘एक बच्चा नीति’ मा अड्किएको छ। यस साइड इफेक्टलाई कम गर्न शेन्जेन सहरका १७.७ मिलियन मानिसहरूलाई आफ्नो परिवार बढाउनको लागि नगद प्रस्ताव गरिएको छ।
यस योजना अन्तर्गत पहिलो सन्तान जन्माउँदा अभिभावकलाई करिब ९० हजार रुपैयाँ दिइनेछ । दोस्रो र तेस्रो बच्चाको हकमा, उनीहरूलाई करिब १ लाख३० हजार र २ लाख ३० हजार रुपैयाँ थप दिइनेछ। चीनको आधिकारिक पत्रिका ग्लोबल टाइम्सको रिपोर्टका अनुसार प्रत्येक बच्चा तीन वर्षको नहुँदासम्म यो रकम प्राप्त हुने क्रम जारी छ।
चीनको दक्षिणी सहरमा कुनै समय सबैभन्दा बढी जन्मदर थियो। तर सरकारको एक सन्तान नीतिका कारण त्यो घटेको हो । आधिकारिक तथ्याङ्कले सन् २०२१ मा सहरमा जन्मेका बालबालिकाको सङ्ख्या २०१,३०० रहेको देखाउँछ, जुन २०१७ को तुलनामा २५ प्रतिशतले कम हो।
अर्कोतर्फ, पूर्वी सहर जिनानका स्थानीय अधिकारीहरूले यो वर्ष जन्मेका प्रत्येक बच्चालाई दोस्रो वा तेस्रो सन्तान भएमा मासिक सात हजार रुपैयाँ दिने योजना पनि बनाएका छन्। स्थानीय सरकारले यस उपायले ’दीर्घकालीन, सन्तुलित जनसंख्या वृद्धि’ लाई बढावा दिने बताएको छ।
विज्ञहरूले यसअघि चेतावनी दिएका थिए कि चीन प्रकोपतर्फ अघि बढिरहेको छ किनभने यो अनुमान गरिएको छ कि देशले २१०० सम्ममा एक अर्ब मानिस गुमाउन सक्छ। चीनको ’एक बच्चा नीति’ नाटकीय रूपमा २०१६ मा खारेज गरिएको थियो जसले दम्पतीहरूलाई दुई बच्चा जन्माउन अनुमति दिन्छ। पछि २०२१ मा आमाबाबुलाई तीन वा बढी बच्चा जन्माउन अनुमति दिइएको थियो।