२९ माघ, काठमाण्डौ ।
साताको पहिलो कारोबार दिन सेयर बजार परिसचूक नेप्सेमा भारी गिरावट आएको छ । गत कारोबार दिन बिहीबार दोहोरो अंकले बढेको नेप्सेमा आज २.७९ प्रतिशत अर्थात ६०.८८ अंकले घटेर २१२१.७५ को बिन्दुमा पुगेको छ । आज २५३ कम्पनीको तीन अर्ब चार करोड ७७ लाख ३९ हजार ८१२ रुपैयाँ बराबरको ८१ लाख ३९ हजार ८४० किक्ता सेयर किनबेच भएको छ ।
आज सेन्सेटिभ इन्डेक्स पनि २.६४ प्रतिशतले घटेको छ । आज १३ वटा उपसमूहको समूहगत सूचक घटेको छ । आज फाइनान्स समूहको सूचक सर्वाधिक ४.७० प्रतिशतले घटेको छ । बैंकिङ समूहको २.०४ प्रतिशत, विकास बैंक समूहको ३.६३ प्रतिशत, होटल तथा पर्यटन समूहको २.७४ प्रतिशत, हाइड्रोपावर समूहको ४.०६ प्रतिशत, लगानी समूहको ३.८९ प्रतिशत, जीवन बिमा समूहको ३.२४ प्रतिशतले घटेको छ ।
यस्तै, उत्पादन तथा प्रशोधन समूहको ४.०९ प्रतिशत, माइक्रोपाइनान्स समूहको २.१८ प्रतिशत, म्युचुअल फन्ड समूहको ०.८३ प्रतिशत, निर्जीवन बिमा समूहको २.५५ प्रतिशत, अन्य समूहको २.४० प्रतिशत र ट्रेडिङ समूहको १.७५ प्रतिशतले सूचक घटेको छ ।
आज खप्तड लघुविक्त विक्तीय संस्थाको सेयर मूल्य सर्वाधिक ४.४८ प्रतिशतले बढेको छ भने ङादी ग्रुप पावर लिमिटेडको सेयर मूल्य सर्वाधिक ६.६० प्रतिशत घटेको छ । नेपाल राष्ट्र बैंकले गत शुक्रबार गरेको मौद्रिक नीतिको अर्धवार्षिक समीक्षाले सेयर धितो (मार्जिन लेन्डिङ)कर्जामा कायमै रहेको १२ करोडको सीमा हट्ने अपेक्षामा रहेका सेयर लगानीकर्ताको यो अपेक्षा पूरा नहुँदा आइतबारको कारोबारमा बजार राताम्मे बनेको विश्लेषण गरिएको छ ।
‘सेयर बजारमा कायमै रहेको १२ करोडको सीमा हटाउने विषयमा अर्थमन्त्री सकारात्मक बनेको, केन्द्रीय बैंकका गभर्नर महाप्रसाद अधिकारीले पनि राष्ट्र बैंकले यसअघि लिएका नीतिमा समय अनुसार नै सुधार गर्दै जाने बताएपनि त्यो पूरा हुन नसके पछि त्यसको प्रभाव आइतबारको कारोबारमा देखिएको हुन् सक्ने लगानीकर्ताहरुले बताएका छन् ।
