१९ फागुन,एजेन्सी ।
क्रिस्टियानो रोनाल्डोले आज मिसूल पार्कमा साउदी प्रो लिगमा अल–बटिनसँग खेल्दा अल–नासरको सुरुवाती ११ मा आफ्नो स्थान सुरक्षित गर्ने अपेक्षा गरिएको छ। उनी टिममा पर्ने अपेक्षासहित उनका फ्यानहरुले उनीबाट अर्काे ह्याट्रिकको पनि प्रतिक्षा गरेका छन् ।
रुडी गार्सियाको टोली अन्तिम खेलमा दमाक एफसीमाथि ३–० को जितलाई निरन्तरता दिने आशामा मैदानमा उत्रिनेछ। साउदी अरेबिया पुगेदेखि रोनाल्डोले आफ्नो उत्कृष्ट लयलाई निरन्तरता दिएका छन्। पाँच पटकका बालोन डी’ओर विजेताले साउदी प्रो लिगमा पछिल्लो पटक दमाक एफसी विरुद्ध तीनै गोल गर्दै आफ्नो दोस्रो ह्याट्रिक गरेका थिए।
उनले खेल सुरु भएको ४४ मिनेटमै ह्याट्रिक पूरा गरेका हुन्। पोर्चुगिज कप्तान अल–नासरका लागि उत्कृष्ट लयमा छन् र त्यसैले अल–बटिन विरुद्धको खेलको लागि प्रारम्भिक ११ मा आफ्नो स्थान कायम राख्ने पक्का रहेको छ।
पूर्व रियल म्याड्रिड फरवार्डको साथमा पुनः अयमान अहमद र अब्दुलरहमान घारीबले आक्रमणमा साथ दिन सक्छन्। ब्राजिलियन स्टार तालिस्का गत महिना ह्यामस्ट्रिङमा चोट लागेपछि अझै पनि मैदान बाहिर नै छन्। अल–नासर हाल साउदी प्रो लिगमा तीन खेल जित्नेको दौडमा छन्।
रियादमा आधारित क्लबले १८ खेलबाट ४३ अंक जोडेर लिग तालिकाको शीर्ष स्थानमा छ। पछिल्लो पटक अल–रायदसँग गोेलरहितको बराबरी खेलेपछि दोस्रो स्थानमा रहेको अल–इतिहाद लिग लिडर भन्दा दुई अंकले मात्र पछाडि छ। अर्कोतर्फ, अल–बटिन, साउदी प्रो लिगको पुछारमा रहेको छ, जसले १८ खेलबाट मात्र ६ अंक जोडेको छ।
