६ असोज,एजेन्सी ।
टर्कीले जनवरीदेखि अगस्टसम्म ३३.४ मिलियन विदेशी पर्यटकलाई देशमा भित्र्याएको छ । गत वर्षको तुलनामा १३.९५ प्रतिशतले पर्यटकमा वृद्धि भएको हो । टर्कीको संस्कृति तथा पर्यटन मन्त्रालयले शुक्रवार यसबारेमा जानकारी गराएको थियो । टर्कीका लागि आर्थिक केन्द्रका रुपमा पर्यटकीय क्षेत्र हो ।
यस वर्षको पहिलो आठ महिनामा ११.५ मिलियन आगन्तुकहरुलाई आकर्षित गरेको मन्त्रालयले जनाएको छ । भूमध्यसागरीय प्रान्त अन्ताल्या समुन्द्री तटका लागि परिचित छ । यहाँ यस वर्ष १०.२ मिलियन पर्यटक आएका छन् । त्यस्तै उत्तरपश्चिमी सीमावर्ती प्रान्त एडिर्नेले छिमेकी ग्रिस र बुल्गेरियाबाट ३.२ मिलियन पर्यटक भित्र्याएको छ ।
पछिल्लो ८ महिनामा रुस, जर्मनी र बेलायतबाट टर्की भ्रमण गरेका छन् । टर्कीले २०२२ मा ५१.४ मिलियन पर्यटक भित्र्याएको थियो भने त्यसबाट ४६ बिलियन अमेरिकी डलर राजश्व जम्मा पारेको थियो । यता उत्तरपूर्वी चीनको जिलिन प्रान्त पर्यटन करिडोरमा परिणत भएको छ । सो भूमि अहिले धान उत्पादित क्षेत्रमा परिणत भएको हो ।
कृषि र पर्यावरण संरक्षणको विकासले सांस्कृतिक पर्यटन उद्योगलाई बढाएको छ । राष्ट्रिय सिमसार निकुञ्जको प्राकृतिक दृश्य, पुरातात्विक वास्तुकला, लोक संस्कृति आदिका कारण पर्यटकहरुको वृद्धि भएको छ । डान शहरको सांस्कृतिक र पर्यटन ब्युरोका निर्देशक एमए हेले क्षारयुक्त जमिनको सुधारले उल्लेख्य नतिजा आएको बताए ।
