१४ माघ, एजेन्सी ।
चीनले फेरि आफ्नो देशलाई विमान तथा नौसेनाको जहाजहरुले घेरा हालेको ताइवानले जनाएको छ । ताइवानको रक्षा मंत्रालयले २६ जनवरीको विहानदेखि २७ जनवरीको विहानसम्ममा चीनले एसयू–३० लडाकु विमानहरु र ६ नौसेना जहाजहरुसमेत ३३ विमानले टापुलाई चारैतिरबाट घेरा हालेको दाबी गरेको छ ।
ताइवानको दाबी छ कि ३३ विमानहरुमध्ये १३ युद्धक विमानले ताइवान जलडमरूमध्यको सीमा नाघेको हो । चीन र ताइवानबीच यो जल सन्धिमा एक अनौपचारिक सीमा छ । एक रिपोर्टका अनुसार चीनले ताइवानमा पछिल्लो पटक यस्तो बेला घेरा हालेको हो जतिबेला चिनियाँ विदेश मन्त्री वांग यीले केही दिनअघि मात्रै ताइवानको स्वतन्त्रता चीन र अमेरिकाको सम्बन्धका लागि एक ठूलो खतरा बन्नसक्ने बयान दिएका थिए ।
उनको यो बयान आए लगत्तै चिनियाँ जहाजहरुले टापुको सीमा नाघेका थिए । गत वर्ष स्यान फ्रांसिस्कोंमा एशिया–प्रशांत आर्थिक सहयोग शिखर सम्मेलनका दौरान अमेरिकी राष्ट्रपति बाइडन र चीनका राष्ट्रपति सी जिनपिंगबीच भेटवार्ता भएको थियो । २८ जनवरीमा चीनका विदेश मंत्री वांग यीले बैंककमा अमेरिकाका राष्ट्रीय सुरक्षा सलाहकार जेक सुलिभानसंग वार्ता गरेका थिए ।
चीनको विदेश मंत्रालयका अनुसार, वांग यीले सुलिभानसंगको बैठकमा ताइवान चीनको आन्तरिक मामिला भएको कुरामा जोड दिएका थिए । उनले ताइवानको क्षेत्रीय चुनावले सो कुरालाई बदल्न नसक्ने पनि बताएका थिए । सोक्रममा सुलिभानले पनि अमेरिका र चीनमा प्रतिस्पर्धा भएको तर दुवै देश यसलाई संघर्ष वा टकरावमा बदल्नबाट रोक्नु पर्नेमा जोड दिएका थिए ।
एक रिपोर्टका अनुसार, ताइवान जलडमरूमध्यमा शांति र स्थिरताका लागि सबैभन्दा ठूलो खतरा ताइवान स्वतंत्रता आंदोलन हो । यता चीनले पनि अमेरिका चीन सम्बन्धको सबैभन्दा ठूलो चुनौती ताइवानको स्वतन्त्रता आन्दोलन भएको बताउँदै आएको छ ।
