७ फागुन , एजेन्सी ।
अमेरिकी राष्ट्रपति जो बाइडेनले युक्रेनी राष्ट्रपति भोलोडिमिर जेलेन्स्कीलाई ६० अर्ब डलर बराबरको सैन्य सहायता अवश्य जारी गर्ने आश्वासन दिएका छन् । यस सहायता प्याकेजलाई अझै पनि अमेरिकी कांग्रेसबाट अन्तिम स्वीकृति चाहिन्छ, तर बाइडेनले जेलेन्स्कीलाई यो स्वीकृत हुनेमा आफू विश्वस्त रहेको बताएका हुन् ।
युक्रेन अवडिभकाबाट फिर्ता हुनुमा कंग्रेसको समर्थन नहुनु रहेको ह्वाइट हाउसले आरोप लगाएको छ। शनिबार युक्रेनले रुसको कब्जामा रहेको डोनेट्स्कको छेउमा रहेको अदिभका सहरबाट आफ्ना सैन्य फौज फिर्ता गरेको छ । गत वर्ष बाख्मुतमा जितपछिको यो रुसको सबैभन्दा ठूलो जित हो ।
ह्वाइट हाउसले पनि एक विज्ञप्ति जारी गर्दै युक्रेनले अडिभकाबाट पछि हट्नुको मुख्य कारण गोलाबारुदको अभाव रहेको बताएको छ । ‘जुन कांग्रेसको अनिर्णयको परिणाम हो,’ विज्ञप्तिमा भनिएको छ ।
