५ वैशाख ,एजेन्सी ।
संयुक्त अरब इमिरेट्स (यूएई) र आसपासका देशमा मंगलबार मुसलधारे वर्षा भएको छ । भारी वर्षाका कारण युएईका कयौँ स्थान पानीमा डुबेका छन् । बाढीका कारण कयौँ सरहमा जाम भएको छ । छिमेकी देश ओमानमा मुसलधारे वर्षासँगै आएको बाढीका कारण १८ जनाको मृत्यु भएको छ ।
वर्षाकै कारण ओमानमा जारी एसीसी प्रिमियर कप क्रिकेट प्रतियोगिता समेत प्रभावित भएको छ । जहाँ आज नेपाललले समूह चरणको अन्तिम खेल साउदी अरेवियासँग खेल्दैछ । बाढीको सबैभन्दा धेरै असर दुबईको ट्राफिकमा देखिएको छ । सडक यातायात देखि हवाई यातायातमा समेत समेत अवरोध उत्पन्न भएको छ ।
दुबईको विमानस्थल पानीमा डुबेका छन् । कयौँ उडान रद्द भएका छन् । विमानस्थल प्रशासनले मौसममा सुधार नभएसम्म उडान डाइभर्ट गर्ने घोषणा गरेको थियो । मानिसका घर, मेट्रो स्टेशन र सडक समेत पानीले भरिएका छन् । दुबई इन्टरनेशनल एयरपोर्टले एक्समा लेखेको छ कि मौसममा सुधार नभएसम्म आगमन उडानहरू अस्थायी रूपमा डाइभर्ट गरिएको छ।
यात्रुहरूलाई उनीहरूको एयरलाइनसँग उनीहरूको उडान स्थिति जाँच गर्न सल्लाह दिइन्छ । यसैबीच, दुबई प्रहरीले आँधीको चेतावनी जारी गरेको छ र मानिसहरूलाई समुद्र तट र उपत्यकाबाट टाढा रहन आग्रह गरेको छ। ‘वर्षा, तेज हावाहुरी, चट्याङ र असिनाले बाढी निम्त्याउन सक्ने प्रहरीले जनाएको छ।’
दुबईबाट आकाश अँध्यारो छ र बीच–बीचमा चट्याङ परेको भिडियो र तस्विरहरु आएका छन् । यस अघि सोमबार ने दुबई प्रहरीले खराब मौसमप्रति सर्तक रहन सर्वसाधारणहरूका लागि सुरक्षा एड्भाइजरी जारी गरेको थियो । युएईको मौसम विभागले दुबई, आबुधाबी सहित कयौँ ठुला सहरमा आगामी २४ घन्टनाभित्र भारी वर्ष हुने चेतावनी दिएको थियो ।
आइतबार र सोमबार ओमानको विभिन्न हिस्सामा अचानक आएको बाढीका कारण कम्तीमा १७ जनाको मृत्यु भएको ओमानको राष्ट्रिय विपद् व्यवस्थापन समितिले बताएको थियो । देशको विविध हिस्सामा भारी वर्षा जारी छ । मौसम बुधबारसम्म खराब रहने बताइएको छ ।
गएको वर्ष पनि नोभेम्बरमा दुबईमा मुसलधारे वर्षाका कारण सहर बाढीमा डुबेको थियो । स्थिति बिग्रदै गएपछि अधिकारीहरूले सर्वसाधारणलाई समुद्रको किनारमा जानै रोक लगाउनु परेको थियो ।
